يوميات رمضانية
تأليف : متولي بصل
(لسه إيه ما بعناهوش )
مستحيل يكون دا حالنا
إحنا إيه اللي جرى لنا
بعنا أخلاقنا ودينا
لسه إيه ما بعناهوش
اللي بيفرَّط في لحمه
الزمن لو حتى رحمه
وبات في إيده كنوز قارون
كلها ما تعوَّضوش
واللي بيبيع حته منّه
حتى لو كان غصب عنّه
اللي باعه ف عمره كله
عمره دا ما يرجَّعوش
الشرف دارنا وعيالنا
والكرامه رأس مالنا
واللي يتهاون في شرفه
أو كرامته ما نعرفوش
واللي يتعمِّد يهينّا
أو يِقِل يا خلق منّا
مستحيل دا يبقى منَّا
وبكره راح يطلع فاشوش
ليست هناك تعليقات:
إرسال تعليق