يغور
الشعر
تأليف /
متولي بصل
مصر
يغور
الشعر وسنينه
ولا إنك
تبات مهموم ومتعكَّر
مادام
الناس مش راضيه
ولا
بأوزان ولا قافيه
بتتأثَّر
ولا
حاسين بأي شعور
ولا فيه
حد بيفكَّر
فمهما
تقول
ومهما عن
هموم الخلق هتعبَّر
مفيش
مخلوق هيشهدلك
ولا فيه
حد هيقدَّر
دي ناس
لا بتعدل المايله
مناها ان
العدل يكفر
عشان
تكتب هنا أشعار
لازم
تعرف
بإن
الشعر في بلادنا
غريب
وغربته بتكبر
يا عم
الشعر بيخسَّر
وبيقصَّر
في عمر الشاعر الموهوب
وأما
اللي ما لوش في الشعر
وكل
كلامه تحديف طوب
ولو حتى
كلامه قبيح
وفيه
تجريح وبيشهَّر
فكل
كلامه شعر صحيح
وف ودان
البشر سُكر
لأنه يا
عم له حاشيه وله شله
يغور
الشعر وسنينه
هسيبه
للي عايزينه
أنا صبري
خلاص مرَّر
ليست هناك تعليقات:
إرسال تعليق