أنا مين فِ دول ؟
بقلم
سعيد عبدالله - مصر
أنا اللِّي وصفت يوم نفسي بأشعاري
ساعات مظلوم و ساعات بكون ظالم فِ افكاري
انا المجروح و بطَّلَّع كل يوم في الروح
و مستني حد ينقذني يطلعني سفينة نوح
انا عابد و متدين و عارف ديني انا الناسك
و لما اغلط بسرعة اتوب و ارجع تاني مُتَماسك
انا كل اللي يعرفني يقدرني و اكون محبوب
و برضة ف ناس تذكرني و توصفني ان كُلِّي عيوب
انا ناجح و ليا رصيد و فاهم شغلي و بَطَوَّر
كتير برضة دا ببقي بلييد و حاسس ان انا مقصر
انا طيب و متسامح لفعل الخير انا قريب
و لو غضبان بكون جارح بحَدِّف طوب و بتعصب
كتير بلاقيني متحمل ضغوط الدنيا و مكمل
و فجأة ألاقني مخنوق خلاص مش قادر استحمل
ساعات بشوفني متلخبط دا بيخليني سهل اغلط
و مش فاهم دا ايه الصح... بجد .... ساعتها بتخبط
انا مبدع و عندي طاقة ملياني كتير افكار
و فجأه ألاقيني متكتف و صعب عليا اي قرار
نسيت أصلي دا مين فيهم و ليه أنسى ؟
منا انسان ... طبيعته دايماً النسيان
عايش في الدنيا و بيسعى يكون فرحان
و بيدور علي الفرحة في كل مكان
و هيا الدنيا ايه يعني غير الفرحة و حبة شدد
ووجه كريم بنلجأله و على نعمه لازم يتحمد
خلقنا المولى سبحانه لحكمة و غرض
و مين مخلوق في دنيتنا كمالِة عدد ؟
مافيش واحد في خلق الله دا الا وعبد
و ايه مطلوب من العابد
مدام راضي و صلَّى و سجد
خلقنا فِ دنيا عايشنها تَمَلِّي فِ كَبَد
كمان عَرَّفنا زينتها فِ مال و ف وَلَد
و لمَّا تزيد في قسوتها
بنطلب منه سبحانه قوام المَدَد
ليست هناك تعليقات:
إرسال تعليق